عايش على الذكريات

هنا.. وفي نفس المكان اللي كنا فيه من سنين..
افتكرت ذكرياتي وياكى وخدني الحنين..
أيام جميله ياريتها تتعوض بس انتى فين؟؟
وحشتيني.. وحشتيني ياللي بحبك أكتر من نفسي..
وحشتيني.. وحشتيني ياللي فاهماني أكتر من نفسي..
وحشتيني.. وحشتيني ياللي بتشيلى عني كل همي..
عمال أنادي وأنادي بصوت عاااااااالي " انتى فين " ؟؟
ياريتك سمعاني.. ياريتك تبقي جمبي..
عارف انه غصب عنك.. بس أنا من الوحده بتألم..
ماليش حد بعدك..
محدش فاهمني.. ولا عايز حد يفهم..
محدش حاسس بيا.. ولا عايز حد يحس..
الاحساس بقي عمله صعبه.. والوفاء بقي كلمه نادره !!
وانتى بعيدة عني وأنا عايش في غابه غير جنة أحلامنا..
كل ما أزورك بتعب وأقاسي.. معقول في يوم أعيش أنا وحتة مني تموت ؟!!
معقول في يوم تضيع حياتي؟؟ معقول في يوم تبعدى كدا؟؟
تعبان من غيرك بقاسي.. عمال أداري وأداري وفجأه يتفضح حالي..
مش قادر أعيش من غيرك ولا قادر أرفض الواقع..
انتى في عالم وأنا في عالم تاني فارق مابيننا أرض وشوية مباني..
محسوب ع الدنيا حي..وفي الحقيقه أنا مقتول !!
مافاضلش غير بقايا انسان عايش ع الذكريات مستني لحظة الممات !!!