موت شاعر

بسم الله الرحمن الرحيم



يمــــوت شاعــــر



الصمت : الإسهاب للي جفت اقلامه
.............................تنهيدة الروح ! للي فاقدٍ روحه

يا جرحي الصعب ! أو يا نشوة إيلامه
.............................فيني غريبٍ تعب يستوطن جروحه

والبعد : كافر رفض لا يعلن إسلامه
.............................وانا أشهد إن الدموع تموت مفضوحه

قلت : الغريب يتعوّد عضة ابهامه
.............................لا صارت الجيّه تناديه للروحه

حبيبتي .. صدقيني ! عمري : أقدامه
.............................صارت سنيني خطاوي ! تبعد الشوحة

باسبابها ... يترك الإنسان أيامه
.............................خلفه ! ويكسر عشان احساسه طموحه

كن المشاعر بحر وادخل فـــ دوّامه
.............................كأني ارسم !! وانا اللي داخل اللوحة !!



كم عاشقٍ ما قدر يستوعب أحلامه
.............................لأنها أكبر من سكاته ! ومن بوحه !!

ويموت شاعر !! لأنه كســـّر أقلامه
.............................وتفيض روحه !! لأنه ما لقى روحه !!









لِـــــ الشاعر : زايد الرويس